9/09/2009

Que facer para fomentar a lectura?


Aquí vos deixo a miña resposta á pregunta ¿QUE FACER PARA FOMENTAR A LECTURA? que saíu publicada esta semana na web da Editorial Galaxia:


S.O.S. O libro está en perigo. Os maiores esquecéronse de ler. A velocidade á que camiña a urbe, as rúas, o tráfico, o ruído dos televisores e dos seus programas de xente “berradora ” están coméndose as letras dos libros. Os adultos mergulláronse nesa inercia e xa non len. E se eles non len, as súas criaturas tampouco.
Os bebés obsérvano todo cos ollos ben abertos. Ao seu arredor hai sorrisos, o son do televisor e un ordenador que bota fume. Tamén axóuxeres de cores e un berce de madeira. Pero non hai libros, nin contos antes de durmir. Non está Peter Pan, nin Carapuchiña, nin o Gato con Botas.
Os adolescentes teñen cara de ordenador. Eu véxoos pola rúa a cotío con cables saíndolles da caluga e cun móbil incrustado nos dedos e, créanme, estou preocupada.
MAIORES: Léanlle contos as súas criaturas. Fagan do libro o mellor agasallo. Preséntenlle a eses personaxes imprescindibles na vida dunha persoa. Axúdenlles a camiñar pola barriga de Dumbo, condúzanos da man ata as trenzas de Rapunzel e concédanlles a posibilidade de ser máis felices.
CONCELLO: Empapele a cidade. Pinte os postes da luz, os espazos publicitarios e as paredes de carteis que axuden a concienciar á cidadanía: “O LIBRO ESTÁ EN PERIGO. AXÚDANOS A SALVALO.” Concello, por favor, achegue a lectura á xente. Fomente as biblio-praias, invente os biblio-parques para esas avoas e avós que están cos seus netos e teñen a posibilidade de lerlles un conto debaixo dunha árbore.
EDITORIAIS: Organicen lecturas na rúa, contacontos para os máis pequenos, xornadas de literatura na rede para os adolescentes. Concello e Xunta: Colaboren coas editoriais para facer isto posible.
ESCOLAS, BIBLIOTECAS E INSTITUTOS: Ensínenlle ao alumnado a amar a lectura. Convenzan aos estudantes de que o seu papel é imprescindible para salvar a literatura. Póñaos en contacto con escritores e escritoras, móstrenlles as alternativas de internet, fáganlles ver que os fotologs e os blogs poden ser tamén un xeito de lectura alternativo pero lectura á fin e ao cabo, métanlle no corpo o hábito lector.
CIDADE: Tranquilícese. Reinvéntese a si mesma. Respire de vagar, sen enfadarse pola loucura das obras nin polo ritmo dos coches. Deixe un oco para que a literatura poida saír de todos eses sitios nos que se agacha: no cemento das paredes, no casco dos obreiros, nos portais dos edificios. Por favor, déixenos espazo para lela, e para lernos.

4 comentarios:

Regalp dijo...

Querida Ledi, cuáles son tus ideas para fomentar la lectura? qué opinas tú?
Ciertamente fomentar hábitos es algo complejo, sobre todo este tipo de hábitos, hoy en día...
en nuestros tiempos mozos..no había tantas alternativas de ocio como existen hoy en día (tres canales de tele, no habia internet, etc..) y uno se refugiaba en un buen libro, lo cual te iba enganchando.
En mi caso personal, odiaba que me obligasen a leer libros en el colegio, para después hacer ridículos exámenes de contenido, estilo, etc,
Yo me enganché a la lectura, después de leer un libro que me cautivó, que me hizo tener hambre de más, que no era capaz de dejar de leer. En este caso, eran las aventuras de Los Cinco. Hasta ese momento... la verdad es que prefería las pelis (jeje)
Hoy en dia leo muy poco, mucho menos de lo que quisiera y, en cierto modo, por obligación. Ya sean informes económicos, ponencias políticas o temas laborales.
Por eso he encontrado mi refugio en internet, en dónde tengo mi lista de blogs, que sigo asiduamente. Quizás ese sea el futuro, no lo sé, pero ahí va mi reflexión.

Bicos

ainara dijo...

Yo creo que vivimos en una sociedad en la que las motivaciones hacia la lectura deben ser revisadas. Como apunta regalp y también el artículo, hoy en día el profesorado y los agentes culturales de la sociedad deben "vender" el concepto lectura desde otro punto de vista.
Estamos inmersos y presos de una sociedad rápida, tecnológica, a-social y autómata, por lo tanto los motivos y la forma de leer se han modificado.
Para mí el problema de todo esto no es el leer o no, porque como bien decís, internet es una herramienta que permite alcanzar el hábito de forma simple y atractiva, para mí el problema es la falta de motivación hacia el saber. Veo y escucho a jóvenes analfabetos funcionales y orgullosos de serlo jactarse de ser quienes se comerán el mundo y a no tan jóvenes, ignorantes totales, dar lecciones de sobre la vida. Todos sin ningún interés en entrar en una página que contenga más de 20 líneas que no sean para entender el juego.

Regalp dijo...

Esa infra-especie que da lecciones de vida, sin estar ni capacitado ni en condiciones éticas y morales de dar consejos, es muy abundante... mucho!
Hay una frase que viene a cuento: "si Dios nos ha dado 2 orejas y una boca, es para escuchar el doble de lo que hablamos"

Ledicia Costas dijo...

completamente de acordo cos dous. Hai unha falta de motivación absoluta e de interese cara a lectura e, desgraciadamente, cara a demasiadas cousas. En nós está o deber de ensinar ás nosas criaturas a ser unha xeración distinta...