7/31/2008

mudándonos


as mudanzas son tristes

porque deixas atrás olores,

perspectivas,

días máxicos


crúzome cos obxectos

e sinto que me miran

con ollos de non saber que está pasando


as mudanzas teñen cara de maletas

e caixas de cartón


os cuartos van quedando baleiros

e eu non sei que vou facer

cando escoite o eco da miña voz

saltando de parede a parede


pecharei unha porta para abrir outra

e quizais os obxectos volvan sorrir.

7 comentarios:

marga dijo...

Mudar para sobrevivir

Moramos en tantos intres
que non quedan atrás baleiros
sen encher de vida.

As mudanzas, case todas,
gústanme
porque habitamos con elas
todos os espazos
prohibidos.

Levantamos a veda coas paredes,
repescamos mobiliarios ao revestir
cementando as nosas decisións,
alicatamos esperanzas,
encintamos as baldosas do noso propio chan
repintamos, o que nos estar por vir,
no pasquín patriota da nosa rebeldía
patrocinando as letras que queremos.

Gústanme as mudanzas
porque mudar é vivir.

Marga Rguez Marcuño
Xoves 31, xullo, 2008 12.45

Anónimo dijo...

Si, Marga. Mudar é vivir e nós estamos máis vivas ca nunca!

Anónimo dijo...

Si, Marga. Mudar é vivir e nós estamos máis vivas ca nunca!

toxomar dijo...

que ricas as mudanzas, ledi!!!!, agardo que neste novo recuncho que nos abres poidamos ter o acougo necesario para fluír e confluír nun eido de afectos e palabras.
bicos
bea

Ledi dijo...

que ricas as mudanzas e que marabilla ter visita de toxomar. temos a cea do verán pendente, bea. quero vervos a ti e á nena linda que tes!!

s de c dijo...

A Cea do verán 2008 pode ser un serán de Curuxa, a partir das 21.30, con Infindas posibilidades.
Simona do Carballal
sab.2.08.08

ainara dijo...

O inconformismo fixote buscar novos ocos nos que habitar, o inconformismo faite medrar, e unha mudanza non é mais que o camiño hacia ese crecemento persoal que nunca termina. Os que queremoste estamos o teu carón para ollar os teus logros. Ainara Legarreta.